22 Minuta pas orës

« Nëse duam të kemi një paqe të vërtetë në botë, duhet të fillojmë nga fëmijët» (Gandi)

Projekti Rruzull i Kaltërt fton bashkësinë botërore të fëmijëve dhe të rinjve të bashkohen për Paqe duke marrë pjesë aktive në zhvillimin dhe krijimin e Korit të Shpresës në nivelin planetar për të kënduar në të njëjtin moment gjithkund në botë dhe në të gjitha gjuhët e mundshme Himnin e Paqes të projektit Rruzull-i-Kaltërt (Ronde-et Bleue), të premten më 24 tetor 2009 në orën 11.22, sipas kohës së selisë së Kombeve të Bashkuara në Nju Jork. Kënga do të këndohet duke iu bashkangjitur Burive  të shpresës (Trompettes de l’espoir), signnali i sinkronizimit i cili do bashkojë zërat tanë në të njëjtën shpresë : Paqen.

Himni i paqes zgjat 66 sekonda. Teksti i tij përmban gjashtë fjali të ndryshme ndërsa melodia, e cila përbëhet nga 11 nota, është e njëjtë për të gjitha fjalitë. Pse gjashtë? Kjo gjë i përmbahet faktit se Organizata e Kombeve të Bashkuara numëron gjashtë gjuhë zyrtare : anglisht, mandarin (kinezisht), arabisht, spanjollisht, rusisht dhe frëngjisht.

Nëse do Paqen, përgatite Paqen.

Përgatitja e Korit të Shpresës kalon nëpërmjet organizimit të një serie takimesh planetare. Takimet planetare duhet të paraprihen nga një shumice takimesh më të vogla. Formati i tyre mund të ndryshojë sipas vullnetit : klasë, shkollë, rrjet shkollor, fshat, qytet, rreth. Por ajo që mund të jetë më e rëndësishmja për organizimin e Korit të Shpresës, janë mikro-takimet e individualizuara ose ato në grupe të vogla, gjithmonë 22 minuta pas orës. Këto takime,  njerëzit e rëndomtë e të etur për Paqe i përsërisin rregullisht, do të thotë çdo ditë. Në këtë nivel, një fjali e vetme e kënduar mjafton. Shpresa, përtej fjalëve të melodisë, ndodhet në mendimin shpresëdhënës dhe buron nga zemra me shpresë. Kështu, në kohën e minutit të 22të pas orës, minutit të shpresës, bëhet një pikëqëndrim kohor i shpresës së përbashkët, një moment bashkimi afektif për Paqe, minuti tradicional i qetësisë i cili lë vendin 66 sekondave të shpresës së sinkronizuar.

Sa do t’ju kushtojë kjo? Asgjë fare! Shpresa nuk ka çmim. Ja pse nuk ka asnjë sundim mbi Himnin e Paqes as mbi logonë e Projektit Rruzull-i-Kaltërt (Ronde-et-Bleue). Asnjë donacion nuk do të pranohet. Në sajtin tonë nuk ka vend për reklama. Në të kundërtën,  ka vend për ministritë e edukimit të mbarë botës, për organizmat që punojnë për Paqen dhe respektin e dinjitetit njerëzor. Leadershipi i ndihmuar nga Gratë për Paqe është i pazëvendësueshëm për sjlljen e Paqes – e mbi të gjitha -  për të nënvizuar iniciativat individuale në favor të Korit të Shpresës. «Çdo akcion individual për Paqe është i rëndesishëm në periudhën tonë jostabile.»(Ilya Prigogine). Shkurt, krijimi i Korit të Shpresës nuk është çështje marketingu por çështje zemre, do të thotë se është një veprim i njerëzve të rendomtë.

Zhvillimi planetar i Korit të Shpresës supozon vendosjen progresive të një mënyre të re të komunikimit të quajtur « SUNIS ». Kjo fjalë rezulton nga afrimi i shkronjës së parë të këtyre fjalëve : Signal d’Unification des Nations Intercollectivement Synchronisées. Mund të krahasohet me atë që ndodhë qe disa vite me rastin e ceremonive të hapjes së Lojrave Olympiqe, por në drejtim të kundërt. Në fakt, në vend të një ylli që këndon, shpesh në një gjuhë të vetme, një kënge rasti, këngë që dëgjohet në mënyrë pasive nga një shumicë njerëzish në katër anët e planetit, ne kemi në katër anët e planetit një shumicë njerëzish të rëndomtë që kanë vendosur në mënyrë solidare të lënë, në një moment precis, një takim shprese në formë të një kënge grupi e cila tingëllon në të njëjtën kohë në të gjitha gjuhët e mundshme.  

Urrejtja nuk është një trashëgimi që meritojnë fëmijët tanë.

Të krijosh një Kor Shprese të nivelit planetar në këto kohëra jostabile, nuk është lehtë. Por historia tregon se « nevoja e krijon organin».

Vend për shpresë! Nil Parent, Québec, Canada, 05/02/08